Минбарда Барчаси

Россияда миграция қонунларини бузган муҳожирлар "спецприёмник" - "Мигрантлар қамоқхонаси"да сақланади. Ҳаммаси ҳам эмас. Рейдлар чоғида қўлга олиниб, суд орқали депортацияга ҳукм қилинганлари. Муҳожирлар бу ерда Россия ҳукумати томонидан уларни ватанга қайтариб юбориш учун ажратиладиган маблағни кутишади. Россия эса ҳар ойда ўз қонунларини менсимаган минглаб меҳнат муҳожирлари учун катта маблағ ажратишни истамайди. Натижада муҳожирлар норасмий қамоқхоналарда ойлаб қолиб кетишади.

Олий Мажлис Қонунчилик палатаси депутати Акмал Умирзаковнинг яқинлашиб келаётган парламент сайловлари олдидан депутатликка ўз номзодини илгари суриш истагини билдирган блогерларни ҳақоратомуз сўзлар билан танқид қилиб чиққани ижтимоий тармоқда кескин баҳс-мунозараларга сабаб бўлди. Депутатнинг танқидига учраган блогерлар бу ҳақда қандай фикрда?

Конституциясида диний эътиқод эркинлиги таъминланган Хитойда 20 миллион мусулмон яшайди. Хитой пойтахти Пекиндаги ҳалол дўкон ва ресторанларларнинг ўндан ортиқроғи арабча "ҳалол" ёзувини ўчириш ҳақида буйруқ олган. Масъуллар бунинг "ёт маданият эканини айтиб, кўпроқ Хитойникини қўллаш керакли"гини буюришган. Расмий Пекин 2016 йилдан бошлаб худди мусулмонларга қарши сиёсатга ўтган. Араб ёзуви ва исломий рамзларга қарши кампания ана шу сиёсатнинг янги бир босқичи сифатида кўрилмоқда.

Трамп якшанба куни Афғонистон Президенти Ашраф Ғани ва Толибон раҳбарияти билан учрашиши керак эди. Бироқ Толибон жангарилари Америка аскари ўлимига олиб келган яқиндаги ҳужумга жавобгарликни зиммасига олгач, Кэпм Дэвид қароргоҳида бўлиб ўтиши керак бўлган махфий учрашув бекор қилинган. Музокаралар Американинг Афғонистондаги 18 йиллик урушига барҳам бериши кутилаётган эди.

Ўзбекистон раҳбарияти кенг жамоатчилик билан маслаҳатлашмасдан, АЭС қуриш режасини бошлаган. Шунингдек, бу АЭСни Россия қуради. Танқидчиларга кўра, бу каби хатарли қурилишлар учун обдон текширув ҳамда халқаро тендерлар ўтказилиши керак эди.

Чеченистон Президенти меъмори ўзбекистонликлар бўлган Европадаги энг йирик масжид очилишини тарихий ҳодиса, деб атаган. Ўзбекистонлик меъморлар лойиҳалаштирган бу масжид етти йилда қуриб битказилган.Масжиднинг очилишида ўзбек ошпазлари томонидан 3 тонналик ош пишириб тарқатилган.

Ўтган бир йил ичида қўшни республикалар, жумладан, Ўзбекистонда доллар нархининг ошиши манзарасида Қирғизистон ички бозорида бу валюта қиймати деярли бирдек мувозанатда ушлаб турилгани кузатилади.