Абдул Азим домла Зиёуддин 1974-йили Тошкент вилояти Чирчиқ шаҳрида таваллуд топган. 1991-1994 йиллари Бухоро шаҳридаги "Мир Араб" мадрасасида ҳамда 1994-1997 йиллари Имом Бухорий номидаги Тошкент Ислом Олий маъҳадидада таҳсил олган. 2002-2015 йиллар мобайнида фазилатли шайх Муҳаммад Содиқ Муҳаммад Юсуф ҳазратларининг дарс ҳалқаларида илм олиб, бир неча ижозалар олган. 2011-2014 йиллари Тошкент Давлат шарқшунослик университетининг "Жаҳон сиёсати ва тарих" факултетида ўқиб қўшимча бакалаврлик даражасини олган ва ушбу олийгоҳда 2014-2016 йиллари  "Тарихшунослик, манбашунослик ва тарихий тадқиқотлар" йўналиши бўйича ўқиб, магистрлик даражасини олган. Абдул Азим домла меҳнат фаолияти мобайнида: 1997-2005 йиллари Чирчиқ шаҳар бош имом-хатиби, 2002-йилдан Тошкент Ислом институтида ўқитувчи ва 2009-2012 йиллари мазкур Олийгоҳнинг "Диний фанлар" кафедраси мудири лавозимида ишлаган. Ҳозирда мазкур институтнинг "Ҳадис ва ислом тарихи фанлари" кафедраси катта ўқитувчиси, Сийрат фани устози, қолаверса Ўзбекистон халқаро Ислом академиясидаги докторантурада мустақил изланувчи бўлиб фаолият юритмоқада.