Ўзбекистон Ёзувчилари уюшмаси аъзоси устоз Аҳмад Муҳаммад Турсун 1949-йили Наманган шаҳрида туғилган. 1979-йили Наманган Давлат университетини тамомлаган. 1967-йилдан буён матбуотда иш юритиб, "Наманган ҳақиқати" вилоят газетасида катта мухбир вазифасида, шунингдек, "Наманган атласи", "Ирфон", "Таржимон", "Суҳбатдош", "Ҳайрат" газеталарида бош муҳаррир  сифатида фаолият олиб борган. 1991-1993 йиллари Диний идора қошидаги "Мовароуннаҳр" нашриётида ишлаган. 2003-2010 йилларда «Ҳидоят» журналида бўлим муҳаррири бўлган. 2010-йилдан то умрининг охиригача фазилатли шайх Муҳаммад Содиқ Муҳаммад Юсуф ҳазратлари асос солган "ҲИЛОЛ НАШР" нашриёт-матбаасида муҳаррир вазифасида хизмат қилган. Устоз Аҳмад Муҳаммад Турсун элликка яқин бадиий, илмий-маърифий, публисистик китобларнинг муаллифидир. Устоз Аҳмад Муҳаммад Турсун 2021-йил 18 май куни вафот этиб, Тошкент шаҳридаги "Шайх Зайниддин" қабристонига дафн этилган.